कपिलवस्तु, १८ फागुन
नेपाली काँग्रेस पार्टी जिल्ला कार्य समिती कपिलवस्तुको बैठकले जिल्ला अनुशासन समिती बैठकको सिफारिस अनुसार पार्टीबाट निर्वाचित ३ जना वडा अध्यक्ष सहित ५७ जनालाई अनुशासनको कारवाही स्वरुप ५ बर्ष पार्टी निष्काशन गर्ने निर्णय गरेको छ । निर्वाचन क्षेत्र नम्बर १ र २ मा पार्टीका आधिकारिक उम्मेदवार बिरुद्ध प्रचार प्रसार र सहयोग गरेको प्रमाणहरुको आधारमा अनुशासन समितीको सिफारिसमा बाणगंगा नगरपालिका वडा नं. ५ का वडा अध्यक्ष दुनिका प्रसाद भुसाल, कपिलवस्तु नगरपालिका वडा नं. ८ का वडा अध्यक्ष शिव कुमार पाण्डेय र महाराजगंज नगरपालिका वडा नं. ११ का वडा अध्यक्ष धर्मेन्द्र कुमार पुरी सहित ५७ जना कारवाहीमा परेका हुन । कारवाहीमा पर्ने हरुलाई पार्टीको बिधानको धारा ३४ को उपधारा ४ (ख) बमोजिम पार्टीको साधारण सदस्य समेत नरहने गरि ५ बर्षका लागि निष्काशनको निर्णय गरि प्रदेश समिती र केन्द्रिय अनुशासन समितीलाई सिफारिस गर्ने निर्णय गरिएको छ ।