सुएज नहर प्राधिकरणले गाजामा भएको छोटो युद्धविराम पछि फेब्रुअरीदेखि १६६ जहाजहरू केप अफ गुड होप मार्गबाट सुएज नहरमा फर्किएको बताएको छ।

जसले लाल सागरमा तनाव कम गर्न मद्दत गरेको छ। विश्वव्यापी विश्लेषण फर्म केप्लरको तथ्याङ्कलाई उद्धृत गर्दै युरोपेली संघको इन्धन ढुवानीको ५० प्रतिशत मार्चमा नहरबाट गुज्रिएको थियो।

सुएज नहर राजश्वमा २०२४ मा ६० प्रतिशतभन्दा बढीको गिरावट आएको छ। जुन लगभग ७ अर्ब अमेरिकी डलर बराबर हो।

हमास–इजरायल द्वन्द्वको समयमा गाजासँग ऐक्यबद्धता प्रदर्शन गर्न यमनका हुथीहरूले अक्टोबर २०२३ मा इजरायली–सम्बद्ध जहाजहरूमा आक्रमण गर्न थालेपछि लाल सागरमा तनाव उत्पन्न भयो। जनवरी १९ मा गाजामा युद्धविराम सम्झौता लागू भएपछि जहाजहरूमा हुथी आक्रमणहरू रोकिएपछि लाल सागर क्षेत्रमा स्थिरता फर्किएको छ।

गत हप्ता इजिप्टका राष्ट्रपति अब्देल–फताह अल–सिसीले क्षेत्रीय अवस्थाका कारण इजिप्टले सुएज नहर राजश्वमा मासिक लगभग ८० करोड अमेरिकी डलर गुमाउने गरेको बताएका थिए। थाहा खबर