कपिलवस्तु , फल्गुण २८ । छन्द कालेबाबु नारायणी आँखा अस्पताल बहादुरगंजकाे अस्पताल तथा कर्मचारी आवासकाे भवनकाे उद्घाटन कार्यक्रम सम्पन्न भएकाे छ ।
जिल्लाकाे कृष्णनगर नगरपालिका वडा ९ बहादुरगंजमा रहेकाे छन्द कालेबाबु नारायणी आँखा अस्पतालकाे भवन तथा कर्मचारी आवासकाे नवनिर्मित भवनकाे उद्घाटन कार्यक्रम सम्पन्न भएकाे हाे ।
अस्पतालकाे आन्तरिक स्राेत , संविधानसभा सदस्य माननिय अभिषेक प्रताप शाहकाे तत्कालिन संसदीय बिकास काेषकाे ५० लाख रकम , कृष्णनगर पालिका , शिवराज नगरपालिका , बुद्धभुमी नगरपालिका , विजयनगर गाउंपालिका त्यस्तै लुम्बिनी प्रदेश स्वास्थ्य मन्त्रालय एवं आन्तरिक मामिला मन्त्रालय लगायत विभिन्न सराेकारवाला निकायकाे आर्थिक सहयाेगमा अस्पतालकाे तीन तल्ले भवन र कर्मचारीहरुकाे आवास भवन निर्माण सम्पन्न भएकाे प्रशासन शाखा प्रमुख जसराज विकले जानकारी दिनुभएकाे छ ।
उद्घाटन कार्यक्रममा प्रदेश सभा सदस्य एवम् पुर्वप्रदेश मन्त्रीद्वय जानकी यादव र अर्जुन केसी , संविधानसभा सदस्य अभिषेक प्रताप शाह , नगरप्रमुख रजत प्रताप शाह, उद्योग वाणिज्य संघ कृष्णनगरका अध्यक्ष रितेश शर्मा , प्रतीक अग्रवाल, नेता किफायतुल्लाह खां , रहिश शाह , अखिलेश्वर पाण्डेय लगायत राप्ती आँखा अस्पताल दांगका पदाधिकारी , नेत्र ज्याेति संघका पदाधिकारी, अस्पताल व्यवस्थापन समितिका पदाधिकारी तथा अन्य कर्मचारी एवम् सराेकारवालाकाे उपस्थिति थियाे ।