कपिलवस्तु , फल्गुन २१ । जिल्लाकाे बहादुरगंज अवस्थित शिवराज अस्पतालमा कर्मचारीलाई निजि स्वार्थमा गरिएकाे खटनपटनले पिडित भएपनि सम्बन्धित निकायहरु माैन छन ।

अस्पताल प्रशासन र मेसुले खटेर काम गर्ने स्वास्थ्यकर्मी कर्मचारीलाई हटाउने र अन्यत्र खटाउन शुरु गरेकाे गुनासाे बढ्न थालेकाे छ । आफ्ना अनुकुलका कर्मचारीलाई सेवासुविधा दिने र तिनकै अनुकुलकाे काममा खटाउने तर खटेर काम गर्ने कर्मचारीहरुलाई अभद्र व्यवहार गर्ने र स्वास्थ शाखासंग मिलेर अन्यत्र पठाउने , कुनै तालिममा समेत सहभागी नगराउने कार्य हुन थालेपछि आकस्मिक सेवाहरुमा समेत समस्या भईरहेकाे गुनासाे बढ्न थालेकाे छ। अस्पताल प्रशासनले याेग्यता , तह र अनुभवका आधारमा कर्मचारी खटाउनै नसकेकाे कर्मचारीभित्रैबाट व्यापक विराेध हुन थालेकाे स्राेतले जनाएको छ । नियुक्त भएकाे एक बर्ष बित्न लागेकाे नि. मेसु डा. विनाेद बढईले सिनियर स्थायी कर्मचारीलाई अटेर गरि धमाधम आफ्ना प्रतिकुलका कर्मचारीहरुलाई स्पष्टीकरण साेध्ने ,नगरपालिका हाजिर गराउने , जिम्मेवारीबाट हटाउने व स्वास्थ चाैकीतिर पठाई मानसिक यातनासमेत दिने गरेकाे गुनासाे बढ्दै गएकाे छ ।
स्थायी एमबीबीएस डाक्टर भएपनि करारलाई मेसुमा निरन्तरता
अस्पतालमा स्थायी दरबन्दीमा रहेका अहेब(छैठौं) दुर्गेश चाैधरी शैक्षिक बिदा लिई एमबिबिएस गर्न फिलिपिन्स गएका थिए , अहिले उनी पुन: अस्पताल मै फर्किएका छन तर राजनीतिक दबाव र निम्ति मेसुलाई संरक्षण गर्न करार कै नियुक्तिलाई निरन्तरता दिईएकाे छ । जबकी स्थानीय तहभित्र संचालनमा रहेका १५ बेडका अस्पतालमा पालिकाले स्थायी कर्मचारी मध्ये जेष्ठताका आधारमा मेसु नियुक्त गर्ने गरिएकाे अभ्यास हुँदै आएकाे छ ।

त्यस्तै अस्पतालकाे प्रसुति वार्डमा कार्यरत नर्स तथा मेडिकल रेकर्डरकाे अतिरिक्त कार्य गर्दै आएकी अन्जली पाण्डेयलाई साना बच्चाका कारण इन्डाेर ड्युटी गर्दा बच्चाकाे रेखदेखमा समस्या हुने भएकाले प्रसुति मै राख्न अनुराेध गरेपछि तिनलाई महिला भएका कारण हेप्ने र दुर्ववहार गर्ने गरिएकाे तथ्य बाहिर आएकाे छ । मेसुलाई पारिवारिक समस्याकाेबारे जानकारी गराउदासमेत काम गर्न आयाेग्य रहेकी भनी तिनलाई अस्पताल प्रशासनमार्फत नगरपालिका हाजिर गर्न लगाइएकाे छ ।
बहादुरगंज मै घर भएका निमेसु डा.बढई आएपछि प्रशासन हेर्दै गरेका रेडियाेजाष्टिट ऋतुराज मिश्र मिलेर स्थानीय अहेब कर्मचारी रवि उपाध्ययलाई पुर्वाग्रही भई इमर्जेन्सी देखि लिएर डाक्टरसमेत नरहेका बेला अस्पतालकाे न्युनतम सेवा प्रवाह गर्न खटेरै काम गरेपनि तिनलाई वडा ६ काे स्वास्थ चाैकी भिल्मी पठाईदिएकाे छ ।
अर्कातिर ल्याबमा काम गर्ने टेक्निसियन राजेन्द्र कुमार चाैधरीलाई वडा १२ बेदमउकाे स्वास्थ्यचाैकीमा पठाइदिएका छन जबकी स्वास्थ्य चाैकीहरुमा पैथालाेजी टेक्निसियनकाे पद नै नभएकाे नगर स्वास्थ शाखा प्रमुख शंकर भट्टराई बताउनुहुन्छ । भट्टराईले स्वास्थ चाैकीमा अहेब र अनमिकाे मात्र दरबन्दी रहेकाे तर आवश्यकता अनुसार नगरकार्यपालिकाले कार्यालय सहयाेगी खटाउन सक्ने बताउनुभयाे ।
अर्का कर्मचारी हुन अहेब मुज्म्मिल खां खाेप सेवा केन्द्रमा खटेर काम गर्ने जनस्वास्थ्य तर्फका खांलाई आफ्ना अनुसार गतिविधिमा संलग्न गराउन खाेज्दा नमानेपछि अस्पतालबाट टाढा राख्न २ जना अहेब रहेका स्वास्थ चाैकी भिल्मीमा पठाईएकाे छ ।
अस्पतालकाे फार्मेसी सेवा पनि अहिले सुषुप्त अवस्थामा छ । फार्मेसीमा काम गर्ने सन्ध्या चाैधरीलाई पनि कामप्रति संवेदनशील नभएकी कारण देखाई नगरपालिकामा हाजिर हुन पठाइएकाे थियाे पछि उनी स्थायी दरबन्दीमा नाम निकालेर बागलुङ गइन । शिवकुमार चाैधरी लगायतका कर्मचारी पनि अस्पतालबाट टाढा गरिएकाे याेजनावद्ध कार्य हुँद
आएकाे छ।

रेडियाेलाेजिष्टले प्रशासन स्टाेर सम्हालछन

लगभग दुई बर्ष पहिला आस्पतालमा अत्याधुनिक एक्सरे मेसन आएकाे थियाे । छैठौं तह रेडियाेलाेजिष्ट पदमा दरबन्दी भएपनि प्रशासन हेर्दै आएका ऋतुराज मिश्र आस्पतालकाे एक्सरे सेवा भन्दा स्टाेर र प्रशासनिक काममा बढी समय दिन्छन । उनकाे सट्टा छाेटाे समयका तालिम लिएका सिताराम गुप्ता एक्सरे गर्दै आएका छन।
रेडियाेलाजिष्ट पदका मिश्र प्रशासनकाे अधिकार क्षेत्र प्रयाेग गर्दै निमित मेसु बढ्ई अस्पतालमा आफ्ना अनुकुलका कर्मचारी व्यवस्थापन गर्न खटेर सहज सेवा दिई रहेका कर्मचारीलाई अन्यत्र हटाउदां अस्पतालकाे दैनिक सेवामाथि असर पर्ने गरेकाे स्थानीय सराेकारवालाकाे भनाई छ ।
अस्पतालका सबै सेवासुविधा आफ्नाे अधीनमा राख्ने तथा आफु अनुसार परिचालन गर्ने आफ्नै क्लिनिकमा ओैषधि लिन पठाउने , ल्याबका टेस्टसमेत निजि सेन्टर मै हुने गरेकाे गुनासाे बढेकाे छ।

  इमर्जेन्सी सेवामा खट्ने कर्मचारी पुर्जी काट्दै

अस्पतालकाे इमर्जेन्सी सेवामा कार्यालय सहयाेगीहरुले सेवा दिन्छन तर साे वार्डमा खटाउन सकिने हेल्थ असिस्टेन्ट रुपेश झां र दुर्गेश गुप्तालाई पुर्जी रसिद काट्न लगाइएकाे छ । इन्डाेर र ओपीडीमा समेत याेग्य कर्मचारीलाई अवसर नदिई कार्यालय सहयाेगीकै भर रहेकाे स्राेतकाे दाबी छ।

कर्मचारीकाे खटनपटन प्रति उदासिनताले सेवा प्रभावित
कर्मचारी खटाउन नसकेपछि अस्पताल प्रशासन र मेसु लगायतका कर्मचारीका दबावमा स्वास्थ शाखा मताहतका स्वास्थ चाैकीमा फरक याेग्यता व आफ्ना अनुरुप काम नगर्ने अस्पतालका कर्मचारी पठाउदै आएपनि सराेकारवाला निकाय माैन बसेकाले पिडित कर्मचारी मर्कामा परेका छन । स्थानीय तहभित्रका अस्पताल व स्वास्थ चाैकीका कर्मचारीकाे गुनासाे सुन्ने निकाय नगर स्वास्थ शाखा प्रमुख र प्रमुख प्रशासकिय अधिकृत हुन तर जनप्रतिनिधिकाे प्रभावमा पहुँच नपुगेका कर्मचारीलाई अभद्र भाषा प्रयाेग गरि स्पष्टीकरण काट्ने , अस्पतालबाट निष्कासन गर्न लगाउने जस्ता मनाेबल घटाउने, मानसिक यातना दिंने गरेकाले कार्यसम्पादन संतोषजनक हुन नसकेकाेले सेवाग्राहीसमेत मारमा परेका छन।