कपिलवस्तु , पुस १४ । मालपाेत र नापी कार्यालय बाणगंगामा सार्ने मन्त्रीपरिषदकाे निर्णय विरुद्ध चरणवद्ध आन्दोलनमा जाने राजनीतिक दलहरुले चेतावनी दिदै ज्ञापन पत्र बुझाएका छन ।

आज जनता समाजवादी पार्टी कपिलवस्तुका अध्यक्ष इरफान खानकाे अगुवाइमा प्रधानमन्त्री तथा मन्त्री परिषदको कार्यालयलाई ज्ञापनपत्र पठाइएकाे छ ।

जिल्लाकाे सदरमुकाम तौलिहवामा रहेको मालपोत कार्यालय तथा नापी कार्यालयको शाखा मिती २०८१ पौष ९ गते नेपाल सरकारको मन्त्री परिषदको बैठकको निर्णयबाट बाणगंगा नगरपालिकाको वोडगाउँमा सार्ने निर्णय र सो निर्णय अव्यवहारिक तथा जिल्लाको सदरमुकामलाई हल्का बनाउने गरि नागरिकलाई अपायक पर्ने स्थान र अन्य पालिकाका सेवाग्राहीहरुलाई समेत समस्या पर्ने भएको कारण उल्लेख गर्दै साे निर्णयकाे विरोधपत्र प्रजिअ मार्फत प्रधानमन्त्री तथा मन्त्री परिषदको कार्यालयलाई पठाइएकाे अध्यक्ष खानले बताउनुभएकाे छ ।

कार्यालय सार्ने मन्त्री परिषदकाे निर्णय विरुद्ध केही दिनदेखि सामाजिक संजालमा विराेध शुरु भएपछि राजनीतिक दलहरुसमेत निर्णय सच्याउन दबाव दिन ज्ञापन पत्र लगायत आन्दोलनका कार्यक्रम शुरु गरेका छन ।