अजय मिश्र, कपिलवस्तु, कार्तिक १० ।
अवधी पत्रकार संघ नेपाल कपिलवस्तु शाखाकै तिसरा जिल्ला अधिवेशन कपिलवस्तु नगरपालिकाकै सभा हल महिया सम्पन्न भवा हय।

अवधी पत्रकार संघ नेपाल शाखा कपिलवस्तुकै अध्यक्ष निरहु यादवकै अध्यक्षता अव प्रमुख अतिथिमे पूर्व मंत्री एवम् प्रतिनिधि सभा सदस्य सुरेन्द्र राज अचार्य के उपस्थिति मे भवा कार्यक्रम कय संचालन पत्रकार दिलिप यादव किहिन रहा ।

कार्यक्रमकै उद्घाटन सत्र प्रमुख अतिथि आचार्य बैनर पढिकै किहिन रहा अव स्वागत अवधी पत्रकार संघ नेपाल कपिलवस्तु शाखाकै उपाध्यक्ष अनेक पाण्डेय किहिन रहा।
कार्यक्रममे बोलत प्रमुख अतिथि आचार्य आपन आपन भाषाकै संरक्षण करक सबकै अधिकार होय अव आपन भाषा सबकै प्रिय रहत है बतावतै कार्यक्रमकय सफलताकै शुभकामना देत नयाँ कार्यसमिति बनायक बाद अवधी पत्रकारिता पे जाेड देक कहिन ।
जिल्ला अधिवेशनसे नयाँ जिल्ला कार्यसमिति चयन भवा जवनेक अध्यक्ष पद मे मनिष गुप्ता, उपाध्यक्ष अजय साहनी, अव सविता गुप्ता, सचिवमे वृजेश यादव, सह सचिवमे राज कुमार चमार, कोषाध्यक्षमे हनुमान पाण्डेय उर्फ (राजु), सदस्यमे लालु चौधरी लगायत ग्यारह सदस्यीय जिल्ला कार्य समिति सहमतिमे गठन भवा है।
नयाँ चुनल अध्यक्ष गुप्ता आपन बात रखत बताईन की हम अवधी भाषा के पत्रकारिता से अवधी भाषा बिकास लगायत यह क्षेत्र कय समाजिक सचेतना अव संस्कृतिक बचावैम हर सम्भव प्रयास किहा जाई साथेम पुर्वकार्यसमितिके सहयाेग अव साथ लेइकय आगे बढा जाई ।