नवलपरासी (बर्दघाट–सुस्तापूर्व) : गैँडाकोट नगरपालिकामा पोखरीमा डुबेर दुई बालकको मृत्यु भएको छ।

गैँडाकोट–३ स्थित तात्रीबासको सिँचाइ पोखरीमा डुबेर शुक्रबार दुई बालकको मृत्यु भएको वडाध्यक्ष शिवकान्त तिवारीले जानकारी दिए।

पोखरीमा डुबेका करिब १३÷१४ वर्षका दुई बालकको सनाखत हुनसकेको छैन । गर्मी छल्नका लागि पौडी खेल्न जाँदा उनीहरू डुबेका हुन्।

घटनाबारे प्रहरीले अनुसन्धान थालेको जिल्ला प्रहरी कार्यालयका सूचना अधिकारी प्रहरी नायब उपरीक्षक सन्तोष पाठकले जानकारी दिए ।