सनिउल्ला धोबी, कपिलवस्तु माघ १७।।
कपिलवस्तुको विजयनगर गाउँपालिका अध्यक्ष गोपाल थापाले हातेमालो गरी समृद्ध
गाउँपालिका निर्माण गर्न सबैले साथ दिनु पर्ने बताउनु भएको छ । अध्यक्ष
थापाले विजयनगरको समग्र विकासका लागी सम्पूर्ण गाउँपालिका वासीले सहयोग
गर्नु पर्नेमा जोड दिनु भयो । विजयनगर गाउँपालिकाको सार्वनिक सुनुवाई
कार्यक्रममा अध्यक्ष थापाले यस्ता बताउनु भयो । नेपाल पत्रकार महासंघ कपिलस्तु शाखाको
आयोजनामा भएको कार्यक्रमा गाँउपालिका अध्यक्ष थापाले विकासको गतीमा बामे
सरीरहेको गाँउपालिकालाई सबैको सहयोगको आपेक्षा रहेकोबताउनु भयो ।

गाउँपालिाको काम कारवाहिलाई पारदर्शी रुपमा जनता समक्ष राख्न नेपाल पत्रकार
महासंघ कपिलवस्तुको आयोजनामा कार्यक्रम सम्पन्न भएको हो । गाउँपालिकाले
गरेका काम र बनाएका योजनाहरु समृद्ध गाउँपालिका निर्माणका लागि नै भएको
भन्दै निर्माणको काममा बाधा अड्चन अबरोध नगर्न सबैमा उहाले आग्रह
गर्नुभयो । अध्यक्ष थापाले कार्यक्रममा उठेको प्रश्नाको जवाफ दिदै यस्तो
बताएका हुन ।

गाउँपालिकामा रहेको न्यायिक समितिमा यस आर्थिक बर्षको पुष मसान्त सम्म ८४
वटा उजुरी परेको जानकारी गराउदै हाल सम्म २८ वटा मेलमिलाप भएको
कारवाहिमा ५ वटा रहेको र अन्य छलफल मै रहेको न्यायिक समिति संयोजक
गाउँपालिका उप प्रमुख लक्ष्मी चौधरीले बताईन । न्यायिक समितिमा उजुरी परे
पछि पनि छलफलका लागि दुबै पक्ष नआउदा मेलमिलापमा लामो समय लाग्ने गरेको
चौधरीले बताइन ।

कार्यक्रममा स्थानियले भौतिक पुर्वाधार, विकास निर्माण, स्वास्थ्य, सिचाई, पशु
सेवा, कृषि सेवा लगायतका बारेमा आफनो जिज्ञासा राखेका थिए ।
गाउँपालिकाको आन्तरीक आय तर्फ पुष मसान्त सम्म विभिन्न शिर्षकमा गरी कुल
३८ लाख राजश्व संकलन भइ सकेको प्रमुुख प्रशासकिय अधिकृत चौधरीले जनाए । यस
आवको आन्तरिक राजश्व संकलन लक्ष्य २ करोड ३० लाख रहेको बताउदै स्थानीय नदि
जन्य पदार्थको निकासी खुलेपछि लक्ष्यमा पुग्न सकिने समेत चौधरीले बताए ।

कार्यक्रममा गाउँपालिकाका ७ वटै वडाका वडा अध्यक्ष विषयगत शाखाका प्रमुखहरुले
जवादेहिताको आसनबाट जवाफ दिएका थिए । पत्रकार महासंघ कपिलवस्तु शाखा
कोषाध्यक्ष दिपक खड्कको अध्यक्षतामा सम्पन्न कार्यक्रमको सहजीकरण पत्रकार
रामप्रघट कोरीले गरेका थिए ।