काठमाडौँ : काठमाडौँ महानगरपालिका वडा २७ का नगरसदस्य सृष्टिका कंसाकार तुलाधरले वीर अस्पतालमा राख्ने आकाशेपुलका लागि बजेट विनियोजन नगरिएको भन्दै गुनासो गरेकी छिन्।

आज बसेको काठमाडौं महानगरपालिका, नगर सभा १७‌ औँ अधिवेशन दोस्रो बैठकमा उनले यसको लागि बजेट विनियोजन गर्न माग गरिन्।

उनले भनिन्, ‘पुरानो वीर अस्पतालदेखि नयाँ बनेको अस्पतालसम्म जान आकाशेपुलका लागि बजेट विनियोजन गर्न योजना पेस गरेका थियौँ तर बजेट विनियोजन भएन, यो साधारण योजना होइन,याे सबैका लागि आवश्यक पर्ने योजना हो। यसको आवश्यकता छ। त्यसैले बजेट विनियोजन गर्न माग गर्दछु।’ थाहा खबर