कृष्णनगर , चैत्र २२ । निर्वाचन अचारसंहिता लाग्नुभन्दा अगावै कृष्णनगर नगरपालिकाका नगरप्रमुखले आफु चढ्ने   सरकारी गाडी फिर्ता गरेका छन ।

स्थानीय निर्वाचन २०७४ मा स्वतन्त्र उम्मेदवारकाे रुपमा नेपालभरि कै नगरपालिकाका स्वतन्त्र उम्मेदवारमध्ये सबैभन्दा बढी फरक मतान्तरले जीत हासिल गरेका कृष्णनगर नगरपालिकाका नगरप्रमुख रजत प्रताप शाहले आफू चढ्ने पालिकाकाे गाडी हस्तान्तरण गरिसकेकाे बताउनुभएको छ । निर्वाचन आचारसंहिता लाग्नुभन्दै पहिलै नै नगरपालिकाकाे गाडीकाे सांचाे प्रमुख प्रशासकिय अधिकृत रामचन्द्र ढकाललाई सुम्पिएकाे नगरप्रमुख शाहले जानकारी दिनुभयाे ।
आइतबार अफिस समयमा नगरपालिका पुगेर सेताे प्लेटकाे स्कारपियाे गाडीलाई नगरपालिका तथा अन्य सरकारी कामकाजका लागि फिर्ता गरिएकाे छ । अन्य एउटा गाडी उपमेयर सबनम खातुनले चढ्ने पनि छिट्टै फिर्ता हुने नगरपालिका स्राेतले जनाएकाे छ ।
स्थानीय निर्वाचन २०७८ काे आचार संहिता लागेसंगै जनप्रतिनिधिहरुले लिने सेवासुविधामा राेक लाग्ने भएकाले जिल्लामै पहिलाे स्थानीय तहका जनप्रतिनिधिले गाडी फिर्ता गरेका हुन ।