लुम्बिनी ।
रुपन्देहीको लुम्बिनी साँस्कृतिक नगरपालिकाकी उप–प्रमुख जानकीदेवी श्रीवास्तव लोकतान्त्रिक समाजवादी पार्टी (लोसपा)मा प्रवेश गरेकी छन् । जानकीदेवी जनता समाजवादी पार्टी (जसपा) परित्याग गरी बुधबार लोसपामा प्रवेश गरेकी हुन् । लोसपाको प्रदेशस्तरीय प्रशिक्षण कार्यक्रममा उनलाई सो पार्टीका केन्द्रीय नेताहरुले पार्टीमा स्वागत गरेका छन् ।

उनलाई लोसपाका वरिष्ठ नेता राजेन्द्र महतो, शरतसिंह भण्डारीले लगायतले खादा लगाएर पार्टीमा स्वागत गरेका हुन् । २०७४ को स्थानीय तह निर्वाचनमा तत्कालीन संघीय समाजवादी फोरम, नेपालबाट श्रीवास्तव लुम्बिनी साँस्कृतिक नगरपालिकाको उप– प्रमुखमा निर्वाचित भएकी थिइन् । चुनावकै मुखमा पार्टी परित्याग गरेपछि जसपालाई धक्का लागेको छ । नगर प्रमुख मनमोहन चौधरी भने संघीय समाजवादीमा आवद्ध रहेका छन् ।