सनिउल्ला धोबी,
कपिलवस्तु जेठ ९-
कपिलवस्तुका तिन साझेदारी वन व्यवस्थापन समितले १५ लाखको कोरोना भाइरस परिक्षणका लागि पिसिआर किट खरिद गर्ने भएका छन । गौतमबुद्ध डिभिजन वन कार्यालय क्षेत्र अन्र्तगत पर्ने किट आभाव भएका शिवराज नगरपालिका, कृष्णनगर नगरपालिका, महाराजगंज नगरपालिका, बुद्धभुमी नगरपालिका र विजयनगर गाँउपालिकालाई किट हस्तन्त्रण गर्ने कार्य अघी बढेको छ ।

जिल्लाको कपिलवस्तु साझेदारी, शिवराज साझेदारी र गौतमबुद्ध साझेदारी वन व्यवस्थापन समितिले रु १५ लाखको पिसिआर किट खारिद गर्ने निर्णय गरेको गौतमबुद्ध डिभिजन वन कार्यालय कपिलवस्तुका वन अधिकृत दुर्गा बहादुर कार्कीले जानकारी दिनुभयो । कपिलवस्तुको पालिकामा किट आभाव भएकोले किट खरिद गरी कपिलवस्तुका पाँच पालिकालाई हस्तन्त्रण गरिने वन अधिकृत कार्कीले बताउनु भयो । उहाले भन्नुभयो “साझेदारी बन व्यवथापन समितिको सामाजिक विकास शिर्षकको रकमबाट किट खरिद प्रक्रीया आगाडी बढाएका छौ ।”

कपिलवस्तुको पश्चिम क्षेत्रमा रहेका कपिलवस्तु साझेदारी, शिवराज साझेदारी र गौतमबुद्ध साझेदारी वन व्यवस्थापन समितिका अध्यक्ष र सहयाक बन अधिकृतहरुको बैठकले किट खरिद गर्ने निर्णय गरेको हो ।

वैठकले कपिलवस्तु साझेदारी वन व्यवस्थापन समितका अध्यक्ष गंगेशनाथ तिवारीको अध्यक्षतामा किट खरिद तथा वितरण समिती गठन गरि खरिद प्रक्रिया आगाडी बढाएको छ । एक हप्ताभित्र किट खरिद गर्ने कार्य आजै देखी सुरु गरीएको अध्यक्ष गंगेशनाथ तिवारीले जानकारी दिनुभयो । जिल्लामा पिसिआर किट आभाव हुदा क्वारेन्टाइनमा चाप बढदै गएकोले किट खरिद प्रक्रीया अघी बढाइएको अध्यक्ष तिवारीले बताउनु भयो ।

गौतमबुद्ध डिभिजन वन कार्यालय कपिलवस्तुका वन अधिकृत दुर्गा बहादुर कार्कीको अध्यक्षतामा बसको बैठकमा शिवराज साझेदारी वन व्यवस्थापन समितिका अध्यक्ष जगदम्बा प्रसाद चौधरी, गौतम बुद्ध साझेदारी वन व्यवस्थापन समितिका अध्यक्ष जानकी प्रसाद यादव, कपिलवस्तु साझेदारी वन व्यवस्थापन समितका अध्यक्ष गंगेशनाथ तिवारी रहनु भएको भएको थियो ।
उक्त बैठकमा सहायक बन अधिकृत एजाज अन्सारी, प्रेम शंकर गुप्ता, सन्जय मिश्राको समेत सहभागीता रहेको थियो ।