कृष्णनगर , पुस १२ । कपिलवस्तु जिल्लाको उद्योग वाणिज्य संघ कृष्णनगरको चुनावी सरगमी बढ्दै गएको छ। यही पुष १९ गते शुक्रवार हुने चुनावमा उम्मेदवारहरू व्यपारी, उद्योगी, लगायत माझ आ-आफ्नो प्रचार प्रसार गर्न व्यस्त रहेका छन्।

उम्मेदवार शर्माले आफूलाई चुनावमा विजयी गराउन सबै व्यापारी ,व्यवसायी र उद्योगी वर्गलाई अनुरोध गर्दै आफू सधैं व्यापारीक हितमा आफ्नाे पहुँच सामर्थ्यले सदैव खडा रहने बताए। आफू चुनावमा आउनुका मुख्य कारण नै कृष्णनगर बजारलाई पुनः राम्रोसंग चलायमान गराई व्यापारीहरूमा खुसीयाली ल्याउनुनै रहेको बताउदै व्यापारीहरूको हकहितमा योजना बनाई व्यापार निर्वाध रूपमा संचालन गर्न पाउने उद्यमी हरूको हक अधिकार रहेको जिक्र गरे। साथै उहांले कृष्णनगर भन्सार नाकालाई अपग्रेड गराउन आफूबाट हुनसक्ने हरेक सम्भव प्रयास गर्ने शर्माले बताए।
विगतका नेतृत्वहरुले कृष्णनगर बजारलाई ध्वस्त बनाउने खेलमात्र गरेकाले अब पुरानालाई बाईबाई गरि नयाँ नेतृत्वमा मलाई जीताउन व्यवसायिसंग आग्रह समेत गरेका छन ।