अँकुश श्रीवास्तव /कृष्णनगर , कार्तिक १५ । कपिलवस्तु जिल्लाका कृष्णनगरबाट लागू ओैषधसहित एक जना पक्राउ परेका छन ।
हिजाे कृष्णनगरकाे प्रहरी चेकपोस्टमा शंकास्पद देखिएपछि चेकजाँच गर्दा एक जना पैदल यात्र पक्राउ परेका हुन । दांङ जिल्ला राप्ती गाउंपालिका बस्ने बर्ष २४ का राजु बिक (अर्जुन) नामका व्यक्तिलाई शंकाका आधारमा खानतलासी गर्दा विभिन्न थरि लागू ओैषधका ट्याबलेट धेरै मात्रामा समातिएकाे प्रहरी निरिक्षक सुरज खत्रीले बताउनुभएको छ ।
चेकजाँचका क्रममा नेट्राजेपेन ४५ ट्याबलेट, निट्रभेट ६ सय ट्याबलेट लगायत ट्रमाडाल हाइड्राेक्लाेरिक क्याप्सुल र एक थान माेबाइलसमेत बरामद गरिएकाे प्रहरी स्राेतले जनाएकाे छ ।
कृष्णनगर नाकालाई प्रमुख ट्रान्जिट प्वाइन्ट बनाएका लागू ओैषध कराेबारीहरु धमाधम समातिन थालेपछि अहिले लागू ओैषध विरुद्ध अभियानमा प्रहरीे झन सक्रियता बढाएकाे छ ।