कृष्णनगर, कार्तिक १४
कपिलवस्तु जिल्लाको कृष्णनगर नगरपालिका वडा नं २ मा रहेको राष्ट्रीय मदरसा संघ नेपालको लाइब्रेरीमा मौलाना मसहूद खां नेपालीको अध्यक्षतामा कार्यक्रम सम्पन्न ।
केहि समय अगाडि फ्रांसमा घटेको घटनामा केन्द्रित रही कार्यक्रम आयोजना गरिएको थियो ।
कार्यक्रममा बोल्दै राष्ट्रीय मदरसा संघका राष्ट्रीय अध्यक्ष डा. अब्दुल गनि अल्कुफिले फ्रांसको सरकारले मुस्लिम समुदायको मजाक उडाउन खोजेको प्रति घोर बिरोध गर्दै कसै एकको गल्ती लाई लिएर सबै मुस्लिम धर्मावलंबी लाई बदनाम गर्नु राम्रो नभएको बताउदै इस्लाम धर्मका अन्तिम दूत मोहम्मद सल्लल्लाहु अलैहि वसल्लमको कार्टून बनाएर शिक्षण गरेको घट्ना इस्लाम धर्म प्रति तिखो प्रहार भएको जिक्र गर्दै फ्रांस सरकारले सांस्कृतिक एकता समेत खलबलाउन खोजेको आरोप लगाउनु भयो ।
कार्यक्रममा बोल्दै लुम्बिनी प्रदेश मदरसा बोर्ड उपाध्यक्ष मौलाना मसहूद खां नेपालीले धार्मिक सहिष्णुताको पाठ नेपाल बाट फ्रांसले सिक्नु पर्ने आवस्यकता औल्याउदै इस्लाम धर्मका अन्तिम दूतको कार्टून बनाएर कसैको धर्मको मजाक उडाउने कसैको अधिकार नरहेको र सांस्कृतिक विभेद फैलाउन कुनै धर्मका लागि हित नहुने बताउदै फ्रांस जस्तो विकसित देशले धार्मिक सहिष्णुतामा जोड दिनु राम्रो हुने कुरा बताउदै नेपाल सरकार लाई फ्रांसको घटना संयुक्त राष्ट्र संघमा उठाउन समेत कार्यक्रम मार्फत अपिल गर्नुभयो ।
राष्ट्रीय मदरसा संघका संस्थापक तथा जामिया सिराजुल उलुम मदरसाका अध्यक्ष समिम अहमद नदवीले काठमाडौं को सुन्धारा स्थित मदनी मस्जिदमा भएको घट्नाको कडा बिरोध गर्दै त्यस प्रति नेपाल सरकारले चालेको प्रयास सराहनीय रहेको बताउदै सबै मिलेर एक अर्काको धर्म प्रति सम्मान गर्नुपर्नेमा जोड दिए ।
वंटी सरदार, वृजेश कुमार गुप्ता, केशर विश्वकर्मा, सगीर खकसार,मौलाना असलम मदनी, साहिद अजाद झण्डानगरी लगायतले फ्रांसमा भएको घट्नाको कडा बिरोध गर्दै फ्रांस सरकारले त्यसता घटना दोहोरिन न दिन विशेष ध्यान दिनु पर्ने वक्ता हरूको जोड थियो ।
कार्यक्रममा नेकपा नगर अध्यक्ष जावेद आलम खां, राष्ट्रीय मदरसा संघ नेपालका सदस्य नियाज़ अहमद, हाफिज तारिक र अनवर अहमद, अब्दुल समद खां नेपाली, प्रहरी निरिक्षक सुकदेव पौडेल, सशस्त्र प्रहरी निरिक्षक निरन्जन राज कार्की लगायतको उपस्थित रहेको थियो ।
कार्यक्रम समापन भने राष्ट्रीय मदरसा संघका उपाध्यक्ष सैख जैस मक्की ले गरे ।कार्यक्रममा मास्क र सेनीटाइजरको प्रयोग गरिएको थियो ।