अल्जेरियाको दक्षिणी मरुभूमि प्रान्त इलिजीमा १२ जना सिरियाली आप्रवासीसहित १४ जना मृत फेला परेका छन्।

अन्य पाँचजना बेपत्ता रहेको अल्जेरियास्थित सिरियाली दूतावासका अनियमित आप्रवासन प्रमुख बसेम फारुखले बताए। ‘पीडित मंगलबार लिबियाबाट आएका थिए । उनीहरू मरुभूमिमा हराएपछि शनिबार मृत फेला परेका थिए’, उनले भने।

अल्जेरियाको मरुभूमिमा हराएका मानिसहरूलाई उद्धार गर्ने काम गर्ने गैरसरकारी संस्था सर्च एण्ड रेस्क्यू एसोसिएसनले उनीहरूलाई फेला पारेको हो।

एसोसिएसनले उनीहरूले दुई अल्जेरियाली र १२ सिरियाली नागरिक भएको बताएको छ। फारुखले लिबियाका अधिकारीहरूलाई दोष दिएका छन्। उनका अनुसार उनीहरूले आप्रवासीहरूलाई निष्कासन गरेर अल्जेरियाबाट भाग्न प्रेरित गरे। ‘हामीले अन्य सिरियालीहरूलाई यसैगरी लिबिया छोडेर अल्जेरियातर्फ गएका देख्नेछौँ र हामीले आफूलाई थप प्रकोपहरूको लागि तयार गर्नुपर्छ’, उनले भने।

सन् २०१६ मा २२ सिरियालीको अल्जेरियाली सेनाले उद्धार गर्नुअघि छिमेकी नाइजरबाट प्रवेश गरेपछि अल्जेरियाको मरुभूमिमा हराएका थिए। संयुक्त राष्ट्रसङ्घीय शरणार्थी एजेन्सी युएनएचसिआरका अनुसार सिरिया विश्वको सबैभन्दा ठूलो विस्थापन संकट बनेको छ।

अरब वसन्त विद्रोहका बीच राष्ट्रपति बसर अल-असदका सेनाबीच विपक्षी समूहहरूमाथि हिंसात्मक रूपमा आक्रमण गर्दा सन् २०११ देखि यो देश युद्धग्रस्त छ।