११ आश्विन २०८०, बिहीबार

कृष्णनगर खुला दिशा मुक्त नगर घाेषणा


अंकुश श्री /कपिलबस्तु, भदाैं २९ । जिल्लाकाे कृष्णनगर नगरपालिका अाज खुला दिशा मुक्त घाेषणा गरिएकाे छ ।
नगरप्रमुख रजत प्रताप शाहकाे अध्यक्षता पुर्व कृषि राज्यमन्त्री सुरेन्द्रराज अाचार्यकाे प्रमुख अतिथ्यतामा अाज विशेष कार्यक्रम गरि कृष्णनगर नगरपालिकालाई खुला दिशा मुक्त घाेषणा गरिएकाे हाे । कपिलवस्तु जिल्लालाई नै यही भदाैं ३१ गते पुर्ण खुला दिशा मुक्त घाेषणा गर्ने लक्ष्य रहेकाेले जिल्लाका सम्पुर्ण स्थानिय तह धमाधम खुला दिशा मुक्त घाेषणा शुरु भएका छन । हालसम्म कृष्णनगर सहित कुल ९ वटा स्थानीय तह खुला दिशा मुक्त भईसकेकाे र भदाैं ३० गते सबभन्दा जेठाे कपिलवस्तु नगरपालिकालाई घाेषणा गर्ने कार्यक्रम पछि जिल्ला घाेषणा गरिने जिल्ला समन्वय समितिका सभापति नारायण खनालले जानकारी दिनुभयो । वडा नम्बर १,४ र १२ लाई समेटेर अाजै नगरपालिकालाई खुला दिशा मुक्त गरिएतापनि पुर्ण सरसफाई युक्त बनाउन अाफु र सम्पुर्ण नगरपालिका परिवार लागि परेकाे नगर प्रमुख रजत प्रताप शाहले प्रष्ट पारेका थिए । अब गाउंघरमा छिटपुट छुटेका चर्पी बनाउन र त्यसकाे प्रयाेगमा पनि विशेष ध्यान दिनु अावश्यक रहेकाे युनिसेफ ,सुअाहरा लगायतका सहयाेगी संस्थाहरुकाे स्पष्टाेक्ति रहेकाे थियाे ।
कार्यक्रममा पुर्व राज्यसभा सदस्य डा. रुद्र प्रताप शाह,
नगर उपप्रमुख सबनम खातुन,नगरपालिकाभित्रका शाखा प्रमुख लगायत कर्मचारीहरु, समाजसेवी शैलेष प्रताप शाह, उद्योग वाणिज्य संघ कृष्णनगरका अध्यक्ष रामकुमार गुप्ता , नेकपाका नेता सुशील श्रीवास्तव, जावेद खां ,व्यवसायी नन्दकिशाेर शर्मा ,जितेन्द्र गाेयल , अशोक अग्रहरी लगायत विभिन्न विद्यालयका प्रतिनिधि सुरक्षा निकाय तथा अन्य संघसंस्थाका प्रतिनिधिकाे उपस्थित रहेकाे थियाे भने संचालन संचारकर्मी सनिउल्लाह धाेबीले गरेका थिए ।

धेरै कमेन्ट गरिएका

ताजा उपडेट