सहसंयाेजक कैलास महताेसहित ७ जनाले जनमत छाेडे

Read Time:2 Minute, 16 Second


परासी ,अासार १३। नागरिकता ऐन संशोधन विधेयक विरुद्धकाे विराेध गरिरहेकै समयमा डा सिके राउत नेतृत्वको जनमत पार्टीका ७ जना केन्द्रीय सदस्यले पार्टी परित्यागको घोषणा गरेका छन् । डा.राउतको कार्यशैलीप्रति असन्तुष्ट बन्दै केन्द्रीय सदस्य कैलाश महतोसहित ७ जना केन्द्रीय सदस्यले पत्रकार सम्मेलन गरी पार्टी परित्याग गरेको घोषणा गरेका हुन् ।
पार्टी परित्याग गर्नेमा नवलपरासीबाट पार्टीका केन्द्रीय सदस्य कैलाश महतो, धुव्र प्रसाद गौड, राजमति पासवान, कपिलवस्तुका हकिकुल्ला मुसलमान, सिरहाकी सतिला यादव, बाराका दिनेश प्रसाद यादव, पर्साका संजय कुमार साह रहेका छन् । पटब पटक जेल-नेलसम्म गएका कैलाश महतो राउतद्वारा गठित तत्कालिन स्वतन्त्र मधेश गठबन्धनका सह–संयोजक तथा निकटस्थ मानिन्छन् ।
राउतले मधेशको हकहितमा आवाज बुलन्द नगर्ने बरु उल्टै नेकपा नेतृत्व सरकारको वकालत गर्दै मधेका एजेण्डालाई पनि बिर्सिदै गएकोे उनीहरुको आरोप छ ।
कैलाश महतोले नवलपरासीमा आयोजित पत्रकार सम्मेलनमा आजदेखि आफूहरुले पार्टीको साधारण सदस्य समेत नरहने गरी पार्टी परित्याग गरेको र अब कुन बाटो अपनाउने भन्नेमा चाँडै निर्णय लिइने बताए ।
त्यस्तै जनमत पार्टीको जिल्ला कार्यसमितिले पनि पार्टीबाट सामूहिक राजीनामा दिएको छ । पार्टीका जिल्ला अध्यक्ष श्रीकृष्ण यादवको नेृत्वमा गठित २३ सदस्यीय कार्यसमितिमा २ जना बाहेक २१ जनाले सामूहिक राजिनामा दिएको पत्रकार सम्मेलन मार्फत जानकारी दिइयो ।

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
100 %

Leave a Reply

Your email address will not be published. Required fields are marked *